Shrine News

02-08-2023 ವೇರ್ ನೊವೆನಾಚೊ ದುಸ್ರೊ ದೀಸ್.

ವಿಷಯ್ : “ವಾಡೊ ಪವಿತ್ರ್ ಸಭೆಚೊ ಮುಳಾವೊ ಸಮುದಾಯ್” ಇರಾದೊ : “ಯುವಜಣಾಂ ಪಾಸತ್”. ಆಯ್ಚೆಂ ಆರಾಧಾನ್ ಆನಿ ಮಿಸಾಚೆಂ ಬಲಿದಾನ್, ಮಾ.ಬಾ ಹೆರಾಲ್ಡ್ ಪಿರೇರಾ ಕಣಾಜಾರ್ ಫಿರ್ಗಜೆಚೆ ಆಡಳ್ತೆದಾರ್, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚೆ ಸಂಚಾಲಕ್ ಆನಿ ಉಡುಪಿ ದಿಯೆಸಿಜಿಚ್ಯಾ 20 ಆಯೋಗಾಚೆ ಸಂಚಾಲಕ್ ಪ್ರಧಾನ್ ಯಾಜಕ್ ಜಾವ್ನ್ ಹಾಜರ್ ಅಸ್‍ಲ್ಲೆಂ. ಪವಿತ್ರ್ ಸಭೆಚೆ ಚಾರ್ ಲಕ್ಷಣಾಂ (ಪಯ್ಲೆಂ: ಆಮ್ಚಿಂ ಪವಿತ್ರ್ ಸಭಾ ಏಕ್, ದುಸ್ರೆಂ: ಆಮ್ಚಿಂ ಪವಿತ್ರ್ ಸಭಾ ಭಾಗೆವಂತ್ ವಾ ಪವಿತ್ರ್, ತಿಸ್ರೆಂ: ಆಮ್ಚಿಂ ಪವಿತ್ರ್ ಸಭಾ ಅಪೋಸ್ತಲಿಕ್, ಚೊವ್ತೆಂ: ಆಮ್ಚಿಂ ಪವಿತ್ರ್ ಸಭಾ ಕಥೋಲಿಕ್) ವಿಶ್ಯಾಂತ್ ಸವಿಸ್ತಾರ್ ರಿತಿನ್ ಪ್ರಸಂಗ್ ದಿಲೊ. ಮಾ.ಬಾ ಆ್ಯಂಟನಿ ಲಸ್ರಾದೊ, ನಿತ್ಯಾದಾರ್ ನಗರ್ ಫಿರ್ಗಜೆಚೆ ವಿಗಾರ್ ಆನಿ ಮಾ. ಬಾ. ದೊ. ಆ್ಯಂಟನಿ ಜೋರ್ಜ್ ಪಿಂಟೊ ಸೆಮಿನರಿಚೆ ಪ್ರಾದ್ಯಾಪಕ್ ಹಾಣಿಂ ಸಹಭೆಟವ್ಣಿಂ ಕೆಲಿಂ. ದುಸ್ರ್ಯಾ ದಿಸಾಚೆಂ ನೊವೆನ್ ಮಾ.ಬಾ. ಅಲ್ಬನ್ ಸೋಜ್ ಹಾಣಿಂ ಚಲೊವ್ನ್ ವೆಲೆಂ ಆನಿ ಪ್ರತ್ಯೇಕ್ ರಿತಿನ್ ಯುಜವಣಾಂ ಖಾತಿರ್ ಮಾಗ್ಲೆಂ. ಆಯಿಲ್ಲ್ಯಾ ಸರ್ವ್ ಭಕ್ತಿಕಾಂಕ್ ಜೆವ್ಣಾಚೆಂ ವ್ಯವಸ್ಥಾ ಆಸಾ ಕೆಲ್ಲಿಂ.