Shrine News

23/7/2023 ಆಯ್ತಾರಾ ಸಕಾಳಿಂ 7.30.ಚ್ಯಾ ಮೀಸಾರ್ ಸಾಂತ್ ಲಾರೆನ್ಸ್ ಬಾಸಿಲಿಕಾ ಅತ್ತೂರಾಂತ್ ಜಾಗತಿಕ್ ಆಬಾ ವಡ್ಲಿಂಮಾಂಯ್, ಆನಿ ಮಾಲ್ಗಡ್ಯಾಚೊ ದೀಸ್ ಆಚರಣ್ ಕೆಲೊ. ಸಕಾಳಿಚ್ಯಾ ಆದೇಸಾರ್ ಶಿರಾಂಧಾರಿಚೊ ಪಾವ್ಸ್ ಪಳೊವ್ನ್ ಜಾಲ್ಲಿ ಬೆಜಾರಾಯ್ , ಯಾಜಾಕಾಂ ಸಂಗಿಂ ಮೀಸಾಚಾ ಪ್ರವೇಶ್ ಪುರ್ಶಾಂವಾಂಕ್ ಹಾಜರ್ ಜಾಲ್ಲ್ಯಾ ಮಾಲ್ಗಡ್ಯಾಂಕ್ ಪಳೊವ್ನ್ ಸಂತೋಸ್ ದಿಂವ್ಕ್ ಪಾವ್ಲಿ. ಪಿರ್ಗಜೆಚ್ಯಾ 70 ವರ್ಸಾಂ ವಯ್ಲ್ಯಾ ಸಾಂದ್ಯಾಂಕ್ ಹ್ಯಾ ಮೀಸಾಕ್ ಹಾಜರ್ ಜಾಂವ್ಕ್ ಪಯ್ಲೆಂಚ್ ಉಲೊ ದಿಲ್ಲೊ.

ಮಾಲ್ಗಡ್ಯಾಂನಿ ಯುವಜಣಾಂ ಸಂಗಿಂ ಮೆಳೊನ್ ಆಪುರ್ಬಾಯೆನ್ ದೇವ್ ಸ್ತುತಿ ಚಲೊವ್ನ್ ವೆಲಿ. ಪಾಪಾ ಪ್ರಾನ್ಸಿಸಾಚಾ ಉತ್ರಾಂ ಪ್ರಕಾರ್ 'ಪ್ರಾಯ್ವಂತಾ ಆನಿ ಯುವಜಣಾಂ ಏಕಾ ಸಾಂಖ್ಯಾಚೆ ದೋನ್ ಖಾಂಬೆ ಆಸಲ್ಲೆಬರಿ'' ಹ್ಯಾ ಉತ್ರಾಂಕ್ ಸರಿ ಜಾವ್ನ್ ಲಿತುರ್ಜಿ ಮಾಂಡುನ್ ಹಾಡಲ್ಲಿ. 'ದೆವಾಚಿ ಕಾಕುಳ್ತ್ ಸಂತತಿ ಥಾವ್ನ್ ಸಂತತಿ ಪರ್ಯಾಂತ್' ಮುಳ್ಳ್ಯಾ ಪಾಪಾ ಪ್ರಾನ್ಸಿಸಾಚಾ ಉಲ್ಯಾ ಪ್ರಕಾರ್, ಮಾಲ್ಗಡ್ಯಾಂನಿ ಆಮ್ಚೆ ಪಾಸತ್ ಕಾಡಲ್ಲ್ಯಾ ಕಷ್ಟಾ ವಾಂವ್ಟಿಚೊ ಉಡಾಸ್ ದವರ್ನ್ ತಾಂಕಾಂ ಮಾನಾನ್ ಆನಿ ಗೌರವಾನ್ ಲೆಕಿಜಾಯ್, ತವಳ್ ದೆವಾಚಿಂ ಆಶೀರ್ವಾದಾಂ ಆಮ್ಚಾ ಕುಟ್ಮಾಂಚೆರ್ ಸದಾಂಚ್ ಆಸ್ತಲಿ ಮ್ಹುಣ್ ಮಾ.ಬಾ. ಆಲ್ಬನ್ ಡಿಸೋಜಾಂನಿ ತಾಂಚಾ ಪ್ರವಚನಾಂತ್ ಸಾಂಗ್ಲೆ.

ಹ್ಯಾ ಕಾರ್ಯಾಚಿ ಸಗ್ಳಿ ಜವಾಬ್ದಾರಿ ಕುಟ್ಮಾ ಹಿತಾ ಸಮಿತಿಚಿ ಸಂಚಾಲಕಿ ಶ್ರೀಮತಿ ತೆಲ್ಮಾ ಪಿಂಟೊನ್ ಘೆತಲ್ಲಿ. 58 ಮಾಲ್ಗಡ್ಯಾಂನಿ ಭಾಗ್ ಘೆತ್ಲೊ. ಸರ್ವಾಕ್ ಫುಲ್ ಆನಿ ಕೋಂತ್ ದಿವ್ನ್ ಮಾನ್ ಕರ್ನ್, ಅಖ್ರೇಕ್ ಸರ್ವಾಂ ಸಾಂಗಾತಾ ತಸ್ವೀರ್ ಕಾಡ್ಲಿ.